Аламүдүн районунун прокурору пара алып жаткан жеринен кармалды

Бишкекте Чүй облусунун Аламүдүн районунун прокурору Жамалбек Сатыбалдиев пара алып жаткан жеринен кармалды. Бул тууралуу uzsushi.com басылмасына күч түзүмдөрүндөгү булак билдирди.

Кармоо бир күн мурун, 19-мартта атайын кызматтын кызматкерлери тарабынан Аскердик прокуратура менен биргеликте Жамалбек Сатыбалдиевден 2,5 миң доллар алып жатканда жүргүзүлгөн. Ал соттолуучудан соттун оң чечими үчүн акча талап кылган. Ал УКМКнын убактылуу кармоочу жайына киргизилди.