Ноорузду биргелешип майрамдоого Кыргызстан, Тажикстан жана Өзбекстандын президенттери катышат. Бул тууралуу Садыр Жапаров менен Эмомали Рахмондун сүйлөшүүлөрүндө айтылды.
Кыргызстандын президенти элдердин ортосундагы ишенимди чыңдоо маанилүү экенин, бул жерде биргелешкен маданий иш-чаралар өзгөчө роль ойноорун белгиледи.
"Ушул контекстте 31-мартта Хожент шаарында боло турган Нооруз майрамынын маанисин белгилегим келет. Чакыруу үчүн ыраазычылык билдирем жана катышуумду ырастайм. Ноорузду биргелешип белгилөө Борбор Азия элдеринин тынчтыгын жана биримдигин символдоштурган жакшы салтка айланат деп ишенем",-деди Кыргызстандын башчысы.
Рахмон өз кезегинде Садыр Жапаровго Кыргызстандын, Тажикстандын жана Өзбекстандын президенттеринин Худжанд шаарында өткөн үч тараптуу жолугушуусуна катышуусун ырастаганы үчүн ыраазычылык билдирди.
