Европа реконструкциялоо жана өнүктүрүү банкы (ЕРӨБ) Кыргызстандын үч шаарынын суу менен камсыздоо жана тазалоочу жайларына 17 миллион евро бөлөт. Тиешелүү мыйзам долбоорун Жогорку Кеңештин Бюджет, экономикалык жана фискалдык саясат боюнча комитети биринчи окууда жактырды.
Мыйзам долбоорунун түшүндүрмөсүндө — бул каражаттардын 7,6 миллион евросу 15 жылдык насыя катары, төрт жылдык жеңилдетилген мөөнөт менен төлөнүп берилээри айтылат. Кредиттин үстөк пайызы жылына 1 пайызды жана Еврибордун ставкасын түзөт. 9,4 миллион евро грант түрүндө берилген.
Суу чарба, айыл чарба жана кайра иштетүү өнөр жай министринин орун басары Мирбек Дүйшеевдин айтымында, бул каражат Шопоков жана Кемин шаарларын таза суу менен камсыз кылууга жана канализация системасын оңдоого жумшалат. Ал эми Таласта тазалоочу жайлар жаңыланат.
