Кыргызстандын президенти бир катар райондордун акимдерин кызматтан алды. Бул тууралуу мамлекет башчынын басма сөз кызматы билдирди.
Маалыматка ылайык, төмөнкү жарлыктарга кол коюлду:
Замирбек Сыдыков башка ишке өткөндүгүнө байланыштуу Жалал-Абад облусунун Аксы районунун акими кызматынан бошотулду.
Дамир Кулубаев берген арызына ылайык, Ош облусунун Кара-Кулжа районунун акими кызматынан бошотулду.
Айта кетсек, акыркы жолу 7 аким кызматтан алынгандан кийин Жалал-Абад облусунун Базар-Коргон районунда, Ысык-Көл облусунун Ак-Суу районунда жана Талас облусунун Манас жана Талас райондорунда дагы эле орундар бош.
