«Кыргызсериал» чыгармачылык өндүрүштүк бирикмеси «Сага жыргал, торгой...» деген жумушчу аталыштагы патриоттук-социалдык драманы коюуга конкурс жарыялады. Тиешелүү арыз мамлекеттик сатып алуулар порталына жайгаштырылган.
Кинематография департаменти тасма 90-120 мүнөткө созулаарын жана экиден кем эмес эпизодду камтууга тийиш экенин билдирет.
Фильмди тартуунун пландык баасы 15 миллион сомду түзөт.
Тасманы 2025-жылдын 24-ноябрына чейин бүтүрүү пландалууда.
