Министрлер кабинетинин төрагасы Адылбек Касымалиевдин Вьетнамга расмий сапарынын алкагында бир катар эки тараптуу документтерге кол коюлду. Бул тууралуу Министрлер Кабинетинин басма сөз кызматы билдирди.
Министрлер кабинетинин төрагасы Адылбек Касымалиев жана Вьетнамдын премьер-министри Фам Минь Тинь, Кыргызстандын министрлер кабинетинин төрагасынын расмий сапарынын жыйынтыгы боюнча Биргелешкен билдирүүгө кол коюшту.
Мындан тышкары, төмөнкү документтерге кол коюлду:
— Кыргыз Республикасынын Министрлер Кабинети менен Вьетнам Социалисттик Республикасынын Өкмөтүнүн ортосундагы Билим берүү жаатында кызматташуу жөнүндө макулдашуу;
— Кыргыз Республикасынын Юстиция министрлиги менен Вьетнам Социалисттик Республикасынын Юстиция министрлигинин ортосундагы укуктук кызматташтык жөнүндө өз ара түшүнүшүү жөнүндө Меморандум;
— Кыргыз Республикасынын Министрлер Кабинетине караштуу Жарандык Авиация мамлекеттик агенттиги менен Вьетнам Социалисттик Республикасынын Жарандык авиация башкармалыгынын ортосундагы өз ара түшүнүшүү жөнүндө Меморандум.
