Кыргызстандын Тышкы иштер министрлиги жаңы басма сөз катчысын дайындады

10:11, 05 марта 2025, Бишкек - uzsushi.com

Кыргызстандын Тышкы иштер министрлигине жаңы басма сөз катчысы келди. Ал 42 жаштагы Азамат Кайбалиев болду.

Кайбалиев Азамат Нарынбекович 2005-жылы «Ататүрк — Ала-Тоо» эл аралык университетин эл аралык мамилелер адистиги боюнча бүтүргөн. Кыргыз Республикасынын Тышкы иштер министрлигинин системасында 2006-жылдан бери иштейт. Министрликтин борбордук аппаратында жана чет өлкөлөрдө ар кандай дипломатиялык кызматтарды ээлеген.

Иш тажрыйбасы:

2006-2008-жж.: КР ТИМинин эл аралык экономикалык кызматташтык департаментинин референти, атташеси;

2008–2012-жж.: Малайзиядагы Кыргыз Республикасынын Элчилигинин үчүнчү, андан соң экинчи катчысы;

2012–2015-жж.: Министрликтин Азия жана Африка департаментинин үчүнчү, кийин экинчи катчысы;

2015–2016-жж.: Катардагы Кыргыз Республикасынын Элчилигинин экинчи катчысы;

2017–2019-жж.: КР ТИМинин эл аралык уюмдар жана коопсуздук департаментинин биринчи катчысы, кеңешчиси;

2019-2022-жж.: Казакстан Республикасындагы Кыргыз Республикасынын Элчилигинин биринчи катчысы;

2023 — ж. (март-август) — КР ТИМинин биринчи саясий департаментинин Россия Федерациясы жана Беларусь Республикасы бөлүмүнүн башчысы.

Азамат Кайбалиев мамлекеттик жана расмий тилдерден сырткары англис жана түрк тилдеринде сүйлөйт. 2-класстагы кеңешчи дипломатиялык рангына ээ.