Кыргызстандын башкы телеканалы болгон Улуттук телерадиоберүү корпорациясынын имаратын оңдоп-түзөөгө 300 миллион сомдон ашык каражат сарпталат. Тиешелүү арыз мамлекеттик сатып алуулар порталына жайгаштырылган.
Буйрутмачы — Президенттин Аппаратынын алдындагы «Мамлекеттик курулуштар департаменти» мамлекеттик ишканасы. Пландалган иштердин жалпы баасы 307 миллион сомду түзөт.
Сатып алуу чексиз тендер ыкмасы менен жүргүзүлөт. Арыз берүүнүн мөөнөтү 2025-жылдын 18-февралында аяктайт. Тендердик сунуштар үчүн кепилдик сумманын 2 пайызын түзөт.
