Бүгүн, 12-февралда Жогорку Кеңештин жалпы жыйынында депутат Дастан Бекешев Орусиядагы кыргызстандык жумушчулардын маселесин көтөрдү.
Эл өкүлү Орусия Федерациясында кыргызстандыктарга кандай мамиле жасалып жатканын көрүп кейигенин белгиледи.
«Орусия биздин стратегиялык өнөктөшүбүз. Бирок кыргызстандыктардын аккаунттары кандайча жабылып жатканын көрүп, пропорционалдуу эмес укуктук чектөөлөр киргизилип жатат... Анын үстүнө дүйнөнүн бир дагы өлкөсүндө биздин жарандарга мындай чектөөлөр киргизилген эмес. Кантип стратегиялык өнөктөш союздашына жана досуна ушундай мамиле жасай алат? Бул тышкы саясат жана аны мамлекет башчылары чечиши керек. «ЕАЭБдин алкагында мындай болбошу керек болчу», — деди Дастан Бекешев.
Ал белгилегендей, кыргызстандыктар үчүн Россия Федерациясындагы консулдуктарды жана элчиликтерди түз алып алуу кыйын.
«Биздин жарандар консулдуктарга, элчиликтерге кайрылышат, аларга жандуу адамдар эмес, чат- боттору жооп беришет. Мен консулдардан жана элчиден мекендештерибизге бардык киргизилген чектөө чараларын түшүндүрүп берүүсү үчүн аларга укуктук колдоо көрсөтүүнү суранат элем. Биз аларды жокко чыгара албайбыз, бирок жарандарыбыздын ал жактан кетишине акча менен жардам бере алабыз. Мен Тышкы иштер министрлигинен бул маселеге олуттуураак мамиле жасап, жөн гана билдирүү, жарыялоо менен чектелбей коюуну суранам», — деди депутат.
Тышкы иштер министрлигинин маалыматы боюнча, Орусияда көзөмөлдөнгөн адамдардын реестрине 67 миңдей кыргызстандык кирсе, алардын басымдуу көпчүлүгү банк карталары жабылган. Реестрден чыгаруу, банктык карталарын бөгөттөн чыгаруу жана башка чектөө чараларын алып салуу үчүн аларга өлкөдөгү укуктук статусун жөнгө салуу же Россия Федерациясынан чыгып кетүү сунушталат.
