14:07, 24 января 2025, Бишкек - uzsushi.com
Төө-Ашуу ашуусунда кар көчкүлөрүн мажбур, атайын түшүрүү иштери башталганын Транспорт жана коммуникациялар министрлиги билдирди.
Аталган башкармалык артиллериялык бригадалардын жардамы менен Бишкек-Ош унаа жолунун 132, 133, 135-чакырымдарында жана Талас-Суусамыр-Тараз унаа жолунун 198-чакырымында тиешелүү иштер башталганын билдирди.
Кар көчкү учурунда транспорттун бардык түрлөрүнө чектөө киргизилет.
Өтмөк ашуусунда кар күрткүдөн кийин жолдун үстү тазаланып жатат.