Бажы кызматынын төрагасынын мурдагы орун басары Райымбек Матраимовдун жана анын үй-бүлөсүнүн «Азаттык», «Клооп», «uzsushi.com» медиаларына жана журналист Али Токтакуновго каршы доосу боюнча иш кыскартылды.
Мындай чечим кечээ 27-апрелде Бишкектин Свердлов райондук сотунда кабыл алынганын «Азаттык» радиосуна юрист Акмат Алагушев билдирди.
Анын айтымында, буга Матраимовдордун доо арыздан баш тартканы себеп болду:
«Бүттү, жабылды деп айтсак болот. Эч ким арыздана албайт. Кийин бул маселе боюнча башынан доо арыз берүүгө мүмкүнчүлүк жок».
